बीड स्पीड न्यूज
याबाबत माहिती अशी की, अंबादास कदम हे मुळचे माटेगाव येथील रहिवासी असून ते मागील काही वर्षापासून गेवराई शहरात स्थाईक होते. मंगळवारी माटेगाव येथील शेतात कामानिमित्त गेले असता शेतातील काम उरकून कदम हे सायंकाळी आपल्या दुचाकीवरुन गेवराईकडे येत होते. यावेळी कोमलवाडी फाट्यावर त्यांच्या दुचाकीला अज्ञात वाहनाने धडक दिल्याने अंबादास कदम यांच्या डोक्याला गंभीर मार लागला. यामध्ये कदम यांचा जागीच मृत्यू झाला. या घटनेची माहिती मिळताच गेवराई पोलिसांनी घटनास्थळी धाव घेऊन पंचनामा केला. तसेच अंबादास कदम यांचा मृतदेह उत्तरीय तपासणीसाठी गेवराई उपजिल्हा रुग्णालयात आणला होता. या घटनेने तालुक्यात हळहळ व्यक्त होत आहे.
0 टिप्पण्या