माजी मंत्री जयदत्त क्षीरसागर यांना धक्का आ.संदिप क्षीरसागर यांच्या नेतृत्वाखाली मौजवाडी सरपंचासह सदस्यांचा राष्ट्रवादी प्रवेश

बीड (प्रतिनिधी):- शिवसेना नेते माजी मंत्री जयदत्त क्षीरसागर यांना मोठा धक्का बसला असून मौजवाडी सरपंचासह सदस्यांनी आ.संदिप भैय्या क्षीरसागर यांच्या नेतृत्वाखाली राष्ट्रवादी काँग्रेस पक्षास जाहिर प्रवेश केला आहे. ग्रामीण भागात राष्ट्रवादी काँग्रेस पक्षात येणार्‍यांची संख्या वाढत असल्याने विरोधकांची झोप उडाली आहे.
बीड तालुक्यातील मौजवाडी ग्रामपंचायत बिनविरोध निवडणुक झाल्यानंतर सरपंच, ग्रा.पं.सदस्य यांना भुलधापा देत माजी मंत्री जयदत्त क्षीरसागर यांनी त्यांचा शिवसेनेत प्रवेश प्रवेश घेत ग्रा.पं.ताब्यात आल्याचा आव आणला होता. कोणतीच विकास कामे होत नसल्याने येथील सरपंच व सदस्यांनी माजी मंत्री जयदत्त क्षीरसागर यांना सोडचिठ्ठी दिली आहे. मौजवाडीचे सरपंच तेजाब चव्हाण, ग्रा.पं. सदस्य अनिल जाधव, लक्ष्मण जाधव, प्रभू ढेंबरे, गोपी ढेंगे यांनी आ.संदिप भैय्या क्षीरसागर यांच्या नेतृत्वावर विश्वास ठेवून राष्ट्रवादी काँग्रेसमध्ये जाहिर प्रवेश केला आहे. यावेळी आ.संदिप भैय्या क्षीरसागर माजी आ.सय्यद सलीम, भाऊसाहेब डावकर, उत्तरेश्वर सोनवणे, सचिन शेळके, रमेश चव्हाण, पंकज बाहेगव्हाणकर, बाळासाहेब गुजर, राजु महुवाले, जयमल्हार बागल व आदींनी त्यांचे स्वागत करून त्यांना पुढील वाटचालीस शुभेच्छा दिल्या.

*गावच्या विकासाठी आ.संदिप भैया*
*सोबत -सरपंच चव्हाण*

गेल्या अनेक वर्षांपासून गावचा विकास झाला नसल्याने  गावातील विकास कामे मार्गी लावण्यासाठी निर्णय घेतला, गावातील अनेक प्रश आ. संदीप भैया क्षीरसागर यांच्या माध्यमातून पूर्ण होतील हा विश्वास आहे अशी प्रतिक्रिया सरपंच चव्हाण यांनी दिली आहे