नुकसानग्रस्त शेतकऱ्यांना हेक्टरी विस हजार द्यावे
प्रतिनिधी ऋतुजा सोनवणे
बीड जिल्ह्यात दि. ४ सप्टेंबर पासून मोठ्या प्रमाणात अतिवृष्टी झाली आहे या अतिवृष्टीमुळे यंदाचा खरीप हंगाम पूर्णच उद्ध्वस्त झाल्याची परिस्थिती निर्माण झाली आहे, तर जिल्ह्यातील मोठ्या धरणाच्या पाण्याची पातळी देखील वाढली असून नदीकाठच्या गावांना मोठ्या प्रमाणात नुकसान झाले आहे या चार दिवसाच्या काळात वडवणी तालुक्यात बंधाऱ्यात वाहून जाऊन ३ जणांचा मृत्यू झाला आहे. तर अंगावर भिंत पडून बीडमध्ये एका महिलेचा मृत्यू झाला आहे. तसेच गेवराई तालुक्यात अंगावर भिंत पडून एका महिलेचा मृत्यू झाल्याची घटना समोर आली आहे. त्याच बरोबर कपिलधार येथे वाहत्या पाण्यात एका मुलाचा मृत्यू झाल्याची माहिती मिळाले आहे. या बरोबरच पशुधनाची हानीही मोठ्या प्रमाणात झाली आहे. के तालुक्यात पुराच्या पाण्यात तीन बैल वाहून गेले असून धारूर मध्ये एक, आष्टी मध्ये सहा शेळ्या, दोन बैल, दोन वासरू, एक म्हैस पुरात वाहून गेल्याची माहिती असून पाटोदा तालुक्यात एक वगार वाहून गेले आहे. गेवराई तालुक्यात पुराच्या पाण्यात एक गाय तीन बैल वाहून गेले असून जवळपास १२०० कोंबड्या पाण्यात वाहून गेल्या आहेत तर शिरूर कासार तालुक्यात एक शेळी आणि ५० कोंबड्या वाहून गेल्या असून बीड तालुक्यात पाच शेळ्या पुराच्या पाण्यात वाहून गेल्याची घटना घडली आहे. अतिवृष्टीमुळे बीड आणि शिरूर कासार तालुक्यात २० ठिकाणी घरांची पडझड झाली असून पावसामुळे झालेल्या अतिवृष्टी भागात सर्व तहसीलदार यांना तातडीने पंचनामे करून अतिवृष्टी भागात सर्व तहसीलदार यांना तातडीने पंचनामे करण्याचे आदेश जिल्हाधिकाऱ्यांनी दिले आहेत. जिवित आणि वित्तहानी बरोबरच शेतकऱ्यांचे मोठ्या प्रमाणात झालेले नुकसान येत्या एक-दोन दिवसातच स्पष्ट होणार आहे. पुरत जे दागावले आहेत व शेतीचे नुकसान झाले आशाना तात्काळ आर्थिक मदत करावी अशी मागणी वंचित बहुजन आघाडी चे नेते पुरुषोत्तम वीर यांनी केली आहे.
0 टिप्पण्या