नोकरीचे आमिष दाखवत महिलेवर परळीत बलात्कार

बीड स्पीड न्यूज 

परळी_सोलापूरच्या 38 वर्षीय महिलेला परळी मध्ये नोकरी लावतो घर पाहून देतो असे आमिष दाखवत तिच्यावर बलात्कार केल्याची घटना घडली असून एका 24 वर्षे युवका विरोधात परळी शहर पोलीस ठाण्यात गुन्हा नोंद करण्यात आला आहे.पोलीस सूत्रांनी दिलेल्या माहिती नुसार आरोपी परळीचा रहिवासी गणेश बाबुअप्पा कोडी (वय 24 वर्षे) राहणार जंगम गल्ली, गणेशपार, परळी याने सोलापूर येथील रहिवासी असलेल्या ३८ वर्षीय महिलेला पुण्याहून परळी येथे तुला नौकरी लावून देतो असे अमिष दाखवुन परळीत घेऊन आला परळीत आल्यानंतर रूम बघून देतो असे म्हणून दि.19 नोव्हेंबर रोजी रात्री व दि.२० नोव्हेंबर रोजी दुपारी बळजबरीने इच्छेविरुद्ध शारीरिक अत्याचार केला. कोणास सांगितल्यास तुला परळीच्या बाहेरही जाऊ देणार नाही तसेच इथेच मारुन टाकीन अशी जीवे मारण्याची धमकी दिली.या प्रकरणी पीडित महिलेच्या फिर्यादीवरून परळी शहर पोलीस ठाण्यात भादंवि कलम ३७६, ५०४,५०६ प्रमाणे गुन्हा दाखल करण्यात आला आहे. पोलीस निरीक्षक उमाशंकर कस्तुरे यांच्या मार्गदर्शनाखाली या प्रकरणाचा पुढील तपास पोउपनि पेंटकर हे करीत आहेत.