बीड स्पीड न्यूज
Briking News/ धनंजय मुंडे यांना हृदयविकाराचा सौम्य झटका; ब्रीच कँडी रुग्णालयात दाखल!
मुंबई-: राष्ट्रवादी काँग्रेसचे नेते आणि राज्याचे सामाजिक न्यायमंत्री धनंजय मुंडे यांना मुंबईतील ब्रीच कँडी रुग्णालयात दाखल केल्याची माहिती मिळाली आहे. धनंजय मुंडे यांना हृदयविकाराचा झटका आल्याचे सांगितले जात आहे.एएनआय या वृत्तसंस्थेने यासंदर्भातील वृत्त दिले आहे. मिळालेल्या माहितीनुसार, धनंजय मुंडे यांना सायंकाळच्या सुमारास छातीत वेदना जाणवू लागल्याची माहिती समोर आली आहे. धनंजय मुंडे यांना हृदयविकाराचा सौम्य झटका आल्याने त्यांना ब्रीच कँडी रुग्णालयात दाखल करण्यात आले. धनंजय मुंडे यांची प्रकृती आता स्थिर असून, रुग्णालयातील डॉक्टरांच्या देखरेखीखाली त्यांच्यावर पुढील उपचार सुरू आहेत. धनंजय मुंडे यांच्या प्रकृतीची माहिती घेण्यासाठी राज्याचे आरोग्यमंत्री राजेश टोपे ब्रीच कँडी रुगणालयात गेले होते. टोपे यांनी धनंजय मुंडे यांच्या कुटुंबीयांशी संपर्क साधल्याचे सांगितले जात आहे.धनंजय मुंडे आणि डॉक्टरांची भेट घेतल्यानंतर आरोग्यमंत्री राजेश टोपे यांनी यासंदर्भात माहिती दिली. धनंजय मुंडे यांच्याशी अर्धा तास गप्पा मारल्या. डॉ. समधानी हे धनंजय मुंडे यांच्या प्रकृतीवर लक्ष ठेवून आहेत. त्यांनी काही रिपोर्ट काढले असून, , ते नॉर्मल आहेत. धनंजय मुंडे यांची प्रकृती स्थिर असून, काळजी करण्याचे कारण नाही, असे राजेश टोपे यांनी सांगितले. धनंजय मुंडे परभणीत होते. त्यानंतर त्यांचा जनता दरबार होता. धावपळ झाल्यामुळे धनंजय मुंडे यांना त्रास झाला असावा. तसेच बुधवारी पुन्हा एकदा डॉक्टरांची भेट घेणार आहे. डॉक्टरांनी बोलावले आहे, अशी माहिती राजेश टोपे यांनी दिली आहे.
Beed News
0 टिप्पण्या