बीड शहरातील कारंजा परिसरात दि.17 मे 2017 रोजी शहेबाज खान दलमीर खान (बिल्डर) यांचा खून करण्यात आला होता. या प्रकरणात सात जणांविरुद्ध बीड शहर पोलीस ठाण्यात खुनाचा गुन्हा दाखल झाला होता. या प्रकरणाचा तपास तत्कालीन पो.नि सय्यद सुलेमान यांनी करून दोषारोपपत्र न्यायालयात दाखल केले होते. या प्रकरणात बीड येथील दुसरे जिल्हा सत्र न्यायालयात आज झालेल्या सुनावणीमध्ये तिघांना दोषी ठरविण्यात आले. न्यायालयाने अरबाज खान फेरोज खान उर्फ कालू, समद खान युसूफ खान, फेरोज खान युसुफ खान उर्फ राजू, या तिघांना जन्मठेपेची शिक्षा सुनावली आणि जुबेर खान समद खान, सुमेर खान समद खान, अफरोज खान फेरोज खान, वाजेद खान समद खान, या चौघांची निर्दोष मुक्तता केली.सदरील प्रकरणात सरकार पक्षातर्फे एडवोकेट अजय राख यांनी काम पाहिले.
0 टिप्पण्या