पोखरी शिवारातील तो मुतदेह नगरच्या तरुणाचा; घात की अपघात?

बीड स्पीड न्यूज 

आष्टी_ पोखरी शिवारात सोमवारी आढळून आलेल्या मृतदेहाची ओळख पटली आहे. तो मृतदेह अहमदनगर येथील शेखर उर्फ रमेश पुजारी याचा आहे. त्याच्या मृत्यूचे सत्य हे शवविच्छेदन अहवालानंतरच समोर येणार असून पुढील तपास सुरु आहे. आष्टी तालुक्यातील नगर-कडा- जामखेड- बीड राष्ट्रीय महामार्गावरील पोखरी शिवारात सोमवारी सकाळी जीन्स, पांढरा शर्ट, डाव्या कानाला जुनी जखम असलेला ३५  वर्षीय अनोळखी युवकाचा मृतदेह आढळून आल्याने खळबळ उडाली होती. पोलिस निरीक्षक सलिम चाऊस, पोलिस उपनिरीक्षक प्रमोद काळे यांनी घटनास्थळी जाऊन पाहणी केली. मृतदेहाची ओळख पटत नसल्याने पोलिसांनी नागरिकांना अधिक माहिती देण्याचे आवाहन केले होते. आज त्याची ओळख पटली आहे. शेखर उर्फ रमेश पुजारी असे मृताचे नाव आहे. तो अहमदनगर येथील रहिवासी असल्याची प्राथमिक माहिती आहे.दरम्यान, मृतदेह अंबाजोगाई येथील रुग्णालयात ठेवण्यात आला आहे. पुजारीचा घात की अपघातात मृत्यू झाला याचा निष्कर्ष शवविच्छेदन अहवालानंतरच समजेल अशी माहिती तपास अधिकारी पोलिस उपनिरीक्षक प्रमोद काळे यांनी दिली.