बीड स्पीड न्यूज
बीड आरटीओ कार्यालय भ्रष्टाचाराचे कुरण, परराज्यातील वाहनांना परवाने,सीबीआई चौकशीची मागणी:-डाॅ.गणेश ढवळे लिंबागणेशकर
_____
आरटीओ कार्यालयातुन परराज्यातील वाहनचालकांना परवाने, राष्ट्रीय साखळी कार्यरत ; दहशतवादी कारवाईत वापराची शक्यता सीबीआई मार्फत चौकशीची मागणी
____
दहशतवादी कारवाया रोखण्यासाठी केंद्रशासन व राज्यशासन युद्धपातळीवर प्रयत्न करत असून मोबाइल, व्हाॅटस अप, फेसबुकच्या माध्यमातुन होणारा दहशतवाद थांबविण्यासाठी देशपातळीवर पोलीस यंत्रणा सक्रीय असताना अशातच बीड आरटीओ कार्यालयातुन हरियाणा, गुजरातसह ईतर राज्यातील वाहनचालकांना खाजगी एजंट व कार्यालयातील कर्मचारी, आधिकारी यांच्या संगनमताने एकाच दिवसात परवाने देण्यात आले असुन त्यासाठी प्रति परवाना २५-३० हजार रूपयांचा दर ठरलेला आहे. इतर राज्यातील वाहनचालकांनी बीड मधुन वाहन परवाने का तयार करून घेतले, त्यांचे आधार कार्ड किंवा ईतर कागदपत्रे बीड मधुन कशी तयार करतात सर्वच प्रकार संशयास्पद असुन यामुळे शासनाचा कोट्यावधी रूपयांचा महसुल बुडवणारे मोठी राष्ट्रीय साखळी उघडकीस येईल.यासाठी सीबीआई मार्फत चौकशी करण्यात यावी अशी मागणी करण्यात आली असून केंद्रीय परिवहनमंत्री नितिन गडकरी, राज्यपरीवहनमंत्री आनिल परब यांना तक्रार करण्यात आली आहे.
नाॅनयुझ प्रमाणपत्र वितरणात शासनाचा महसुल बुडवून कोट्यावधींचा घोळ; आधिकारी, कर्मचारी मालामाल
_____
नाॅनयुझ प्रमाणपत्र वाहनांना वितरीत करताना वाहनांचे टॅक्स व परमिट व ईतर कागदपत्रे तसेच कर न भरून घेता आर्थिक तडजोड करून प्रमाणपत्र वितरीत करण्यात आले असून आरटीओ कार्यालयातुन कोरोना लाॅकडाऊन कालावधीत "वर्क फ्राॅम होम "मुळे बहुतांश आधिकारी-कर्मचारी घरूनच कामकाज करत असताना कार्यालयातील मोजकेच कर्मचारी उपस्थित राहील्याने व ग्राहकही कार्यालयात येत नसल्याने त्याचा गैरफायदा घेण्यात आला आहे.
औरंगाबाद कार्यालया संशयाच्या भोव-यात बोगस कामकाजाचे माहेरघर
___
लाॅकडाऊन कालावधीत औरंगाबाद येथुन कामकाज सुरू असून बीड आरटीओ कार्यालयातुन हरियाणा, गुजरात, राजस्थान येथील वाहनचालकांना परवाने देण्यात आले असुन बोगस परवाने देण्याचे काम बीड आरटीओ कार्यालयातुन करण्यात आले असून वरिष्ठ आधिकारी लाॅकडाऊन मुळे कार्यालयात येत नसल्याने बीड येथुन एक कर्मचारी सर्व कागदपत्रे घेऊन औरंगाबादला जात असे औरंगाबाद येथुन सह्या करून परवान्याचे वाटप होत असल्याची गंभीर बाब समोर आली आहे. एकंदरीतच बीड आरटीओ कार्यालयातुन परराज्यातील व्यक्तींना वाहन परवाने देण्यात आले असुन त्याचा दहशतवादी कारवायामध्ये वापर होण्याची शक्यता नाकारता येत नसल्यामुळेच प्रकरण अतिशय गंभीर आहे.
आरटीओ कार्यालयातील चोरी आणि आगीच्या संशयास्पद प्रकरणांची चौकशी आवश्यक ; परवाने रजिस्टर, नाॅनयुझ प्रमाणपत्र पावतीबुक जाळण्याची शक्यता
____
बीड आरटीओ कार्यालयातुन हमखास भुरटे चोर चोरी करून संगणक किंवा ईतर कामाच्या वस्तुची चोरी केल्याच्या घटना घडणे नित्याचीच बाब असून काही दिवसापुर्वी आरटीओ कार्यालयातील आगीची घटना संशयास्पद असुन परवाने दिलेले रजिस्टर तसेच नाॅनयुझ प्रमाणपत्र देण्यासाठीचे पावतीबुक आगीच्या भक्ष्यस्थानी सापडु नये यासाठी खबरदारी घेणे गरजेचे.
डाॅ.गणेश ढवळे लिंबागणेशकर
मो. नं.८१८०९२७५७२
0 टिप्पण्या