पदभार स्वीकारण्यापूर्वीच या नवविर्वाचित नगराध्यक्ष आणि उपनगराध्यक्षांवर जमावबंदी आदेश मोडल्या प्रकरणी गुन्हा दाखल

बीड स्पीड न्यूज 

पदभार स्वीकारण्यापूर्वीच या नवविर्वाचित नगराध्यक्ष आणि उपनगराध्यक्षांवर जमावबंदी आदेश मोडल्या प्रकरणी गुन्हा दाखल

केज_नगरपंचायत निवडणूक पार पडल्यानंतर नगराध्यपदाची निवडणूक पार पडली.केजमध्ये काँग्रेस आघाडीने सत्ता स्थापन केली आहे. पण, नगराध्यक्ष उपनगराध्यक्ष निवडीनंतर उत्साहाच्या भरात जंगी मिरवणूक काढणं चांगलच महागात पडलं. पदभार स्वीकारण्यापूर्वीच या नवविर्वाचित नगराध्यक्ष आणि उपनगराध्यक्षांवर जमावबंदी आदेश मोडल्या प्रकरणी गुन्हा दाखल केला आहे.बीडच्या केज नगरपंचायत मधील नवनिर्वाचित नगराध्यक्ष उप नगराध्यक्ष व नगरसेवक अशा 11 जणा विरोधात जिल्ह्यात जमावबंदी आदेश मोडल्या प्रकरणी गुन्हा दाखल करण्यात आला आहे. पदभार स्वीकारण्यापूर्वीच गुन्हा दाखल झाला आहे.काँग्रेससोबत आघाडी करून जनविकास आघाडीच्या सिताताई बनसोड या केजच्या नगराध्यक्ष झाल्या. तर उपाध्यक्ष शीतल दांगट यांची निवड झाली. नूतन पदाधिकारी यांची त्यानंतर शहरातून जंगी मिरवणूक काढण्यात आली.या मिरवणुकीत शेकडो लोकांचा जमाव होता. जिल्ह्यात सध्या जिल्हाधिकारी यांनी जमावबंदी आदेश लागू केले आहेत. मिरवणूक, मोर्चे आंदोलन याला बंदी आहे. मात्र केजमध्ये ही बंदी मोडण्यात आल्याने नवनिर्वाचित नगराध्यक्ष उपनगराध्यक्ष व नगरसेवक अशा 11जणांविरोधात जमावबंदी आदेश मोडल्या प्रकरणी केज पोलिसात गुन्हा दाखल करण्यात आला आहे.