बीड स्पीड न्यूज
तृथीयपंथी सपना आणि बाळूचं विवाह सोहळा बीडमध्ये संपन्न;विवाह सोहळ्यासाठी नागरिकांची मोठी गर्दी
विवाहबंधनात अडकले. जिल्ह्यातील अनेक मान्यवर, प्रशासकीय अधिकाऱ्यांनी लग्नसोहळ्याला उपस्थिती लावली होती.शाही लग्नाला देखील लाजवेल असा विवाह सोहळा बीड जिल्ह्यातील कंकालेश्वर मंदिरात पार पडला. हा विवाह तृतीयपंथीयांचा असून देखील या विवाहात
सगळे विधी पार पाडण्यात आले. हळद, मंगलाष्टिका, मानपमान, साग्रसंगीत जेवण, अशा सगळ्या गोष्टींनी विवाह सोहळ्याची रंगत वाढली. लग्नामध्ये फक्त बीड जिल्ह्यामधूनच नाही तर आसपासच्या जिल्ह्यामधून देखील लोक आले होते. यामध्ये महाराष्ट्रातील किन्नर
समाजातील धर्मगुरु आवर्जून उपस्थित राहिले.
लग्न सोहळ्यासाठी बीडच्या सामाजिक न्याय विभागाचे अधिकारी देखील उपस्थित होते. त्यांनीच सपनाचं कन्यादान केलं. हा विवाह सोहळा पारंपारिक पद्धतीने पार पडला. विवाहाला उपस्थित मंडळींनी बाळू
सपनासोबत फोटो काढले. अधिकाऱ्यांना देखील सेल्फी काढण्याचा मोह आवरला नाही.सामाजिक कार्यकर्ते सतीश भोसले यांनी सपनाला सोन्याचं मंगळसूत्र देऊन बाळू सपनाच्या पुढील वाटचालीसाठी शुभेच्छा दिल्या. जिल्ह्यातील अनेक सामाजिक कार्यकर्त्यांनी या
विवाहाला पाठबळ देत विवाह सोहळा मोठ्या थाटात संपन्न केला.सपना आणि बाळू मागील अडीज वर्षांपासून रिलेशनशीपमध्ये होते. यादरम्यान त्यांनी एकमेकांना समजून घेतलं. समाजातल्या रुढी परंपरांना झुगारुन आपण लग्न करु शकतो, असा विश्वास आल्यानंतर दोघांनीही लग्न करण्याचा निर्णय घेतला. त्यानुसार महिला दिनाच्या पूर्वसंध्येला बाळू सपना विवाहबंधनात अडकले.
0 टिप्पण्या