बीड स्पीड न्यूज
शिवाजीनगर पोलिस निरीक्षकाची चोर सोडून संन्याशाला शिवीगाळ धक्काबुक्की
न्यायासाठी प्रताडीतेची आई-वडिलांसह पोलीस अधीक्षकांकडे धाव
अरेरावी करणाऱ्या शिवाजी नगर पोलीस ठाणे निरीक्षकासह त्यावेळी पोलीस ठाण्यात कर्तव्यावर असलेल्या इतर पोलीस कर्मचाऱ्यांचे वर्तन पाहण्यासाठी पोलीस ठाण्यातील सीसीटीव्ही फुटेज ताब्यात घेऊन या सर्व प्रकरणाची शहानिशा करावी आणि आम्हाला न्याय द्यावा. असे दिलेल्या निवेदनात या घटनेनंतर प्रताडीता अमरीन सोहिल इनामदार हिने म्हटले आहे. याविषयी दिलेल्या निवेदनात सदरील प्रताडीतेने तिच्यावर लग्नानंतर ते आतापर्यंत झालेल्या अन्यायाचा पाढा वाचला असून तिला कायद्याने न्याय मिळावा यासाठी ती गेल्या तीन वर्षांपासून पोलीस विभागाचे उंबरे झिजवत आहे. एवढा मोठा कालावधी उलटूनही दोषी असलेले सासरकडील सासू-सासरे, पती, दीर, ननंद आणि काझींकडून झालेला अन्याय दूर करून न्याय द्यावा असा टाहो फोडत आहे. परंतु शिवाजीनगर पोलीस ठाणे कडून अद्याप पर्यंतही या प्रकरणात कोणतीही ठोस कारवाई करण्यात आलेली नसल्याने काही दिवसांपूर्वी प्रताडीतेने या प्रकरणात लक्ष घालावे म्हणून जिल्हा पोलीस अधीक्षकांना निवेदनातून म्हणणे मांडले होते. ही बाब शिवाजीनगर पोलीस ठाणे निरीक्षकांना माहीत झाल्यावर सदरील प्रताडीता व तिचे आई-वडील पोलीस ठाण्यात याविषयी चौकशी करण्याकरिता गेले असता त्यांना पोलीस ठाणे निरीक्षकासह इतर पोलिसांकडून हमरीतुमरी, शिवीगाळ व धक्काबुक्की करून हाकलून लावण्यात आले. जर हे इथून गेले नाहीत तर यांना उचलून आत मध्ये टाका असे फर्मान ही पोलीस निरीक्षकांनी पोलीस कर्मचाऱ्यांना दिले. या घटनेनंतर सदरील प्रताडीतेने आपल्या आई-वडिलांसह जिल्हा पोलीस अधीक्षक आणि जिल्हाधिकारी कार्यालयात न्याय मिळावा म्हणून निवेदन दिले आहे.
0 टिप्पण्या