डाक विभागातंर्गत पीएल आय,आरपीएल आय विम्यासाठी भरती इच्छुकांनी अर्ज करण्याचे आवाहन

बीड,दि.26 (जि.मा.का.):- डाक विभागातंर्गत पीएल आय,आरपीएल आय विम्यासाठी भरती करण्यात येणार असून इच्छुकांनी अर्ज करण्याचे आवाहन अधिक्षक डाकघर एस एम आली, बीड यांनी प्रसिध्दी पत्रकाव्दारे केले आहे. अटी पुढीलप्रमाणे आहे. उमेदवाराचे वय मुलाखतीच्या दिवशी कमीत कमी 18 वर्षं व जास्तीत जास्त 50 वर्ष दरम्यान असावे.

शैक्षणिक पात्रता: अर्जदार हा 10 वी उत्तीर्ण किंवा समकक्ष परीक्षा उत्तीर्ण केलेली असावी ज्यात केंद्रीय/राज्य मान्यता प्राप्त घेतली आहे. श्रेणी बेरोजगार, स्वयंरोजगार, माजी विमा सल्लागार, कोणत्याही विमा कंपनीचा माजी विमा एजंट, माजी सैनिक, सेवानिवृत्त शिक्षक, अंगणवाडी कार्यकर्ते, महिला मंडळ कार्यकर्ते, ग्राम प्रधान, ग्राम पंचायत सदस्य ई. टपाल जीवन विमा साठी थेट असे अर्ज करू शकतात.उमेदवाराची निवड थेट मुलाखतीद्वारे व्यावसायिक कौशल्य, व्यक्तिमत्व, जीवन विमा बाबतचे ज्ञान, संगणकाचे ज्ञान, स्थानिक भागाची माहिती इ. बाबी अपेक्षित.

           निवड झालेल्या उमेदवारास रु. 5 हजाराचीची अनामत रक्कम सुरक्षा ठेव म्हणून ठेवावी लागेल. जी NSC/KVP च्या स्वरूपात असेल.प्रशिक्षण पूर्ण झाल्यानंतर डाक विभागाकडून तात्पुरत्या स्वरुपात परवाना देण्यात येईल. जो IRDA ची परवाना परीक्षा पास केल्यानंतर कायम स्वरूपाच्या परवाना मध्ये रुपांतरीत केली जाईल. सदर परीक्षा 3 वर्षेच्या आत उत्तीर्ण करणे अनिवार्य राहील.नियुक्ती ही लायसन्स तत्वावर आणि कमिशन तत्वावर राहील.

सर्व इच्छुक उमेदवारांनी विहित नमुन्यातील अर्ज भरून दि. 12 ऑगस्ट 2021  रोजी कार्यालयीन वेळेत सकाळी 9.30 ते 6.00 वाजेपर्यंत अधिक्षक डाकघर, बीड विभाग, बीड – 431122 येथे थेट मुलाखतीसाठी हजर राहावे व सोबत बायोडाटा, मूळ कागदपत्र, प्रमाणपत्र / अनुभव प्रमाणपत्र घेऊन येणे आवश्यक आहे.