ब्रेकिंग न्यूज / अंबाजोगाईत तरुणाचा खून

अंबाजोगाई-: शहरातील रायगड नगर भागात रवी धोत्रे या तरुणावर अज्ञात आरोपींनी धारदार शस्त्राने हल्ला केला. या हल्ल्यात गंभीर जखमी अवस्थेत रवी धोत्रे यांना स्वाराती रुग्णालयात दाखल केले असता तिथे उपचारादरम्यान त्यांचा मृत्यू झाला. ही घटना मंगळवारी (दि.३१) दुपारी १२.३० वाजता घडली. खुनाच्या या घटनेने शहरात खळबळ उडाली आहे. दरम्यान, पोलीस तपास सुरु असून या घटनेबद्दल सविस्तर माहिती अद्याप मिळू शकलेली नाही.