तरुणींनी ओढणीच्या साह्याने नदीत बुडणाऱ्या मुलाचे वाचवले प्राण

बीडच्या अंबाजोगाई येथील बुटेनाथ परिसरात तरुणींनी दाखविलेल्या धाडसाचे सध्या सर्वत्र कौतुक होत आहे.
बुटेनाथ परिसरातील एका नदीच्या प्रवाहात एक मुलगा अडकून पडला होता. चार तरुणींनी त्यांच्या ओढण्या एकत्रित करून त्या मुलाला वाचविण्याचा प्रयत्न केला.
तब्बल अर्ध्या तासानंतर त्या मुलाला वाचविण्यात यश आले. तब्बल अर्धा तास हा थरार सुरू होता.
नदीच्या प्रवाहात अडकून पडलेला मुलगा बराच वेळ आकांत करत होता. नेमकंच त्या ठिकाणी काही तरुणी फिरण्यासाठी गेल्या होत्या आणि मुलगा प्रवाहात अडकल्याचे दिसले. चार तरुणींनी त्यांच्या ओढण्या एकत्रित करून त्या मुलाला वाचविण्याचा प्रयत्न केला. तब्बल अर्ध्या तासानंतर त्या मुलाला वाचविण्यात यश आले.