शार्टसर्कीटने पाच एकर ऊस जळून खाक

बीड स्पीड न्यूज 

शार्टसर्कीटने पाच एकर ऊस जळून खाक

बीड । वार्ताहर_तालुक्यातील गुंदेवडगाव आणि गंगनाथवाडी येथील शेतकर्‍यांचा पाच एकर ऊस शॉर्ट सर्कीटमुळे जळून खाक झाला आहे. काल सायंकाळी 7 वाजण्याच्या सुमारास ताराच्या घर्षणामुळे ऊसाला आग लागल्याचे शेतकर्‍याने सांगितले. गुंदेवडगाव येथील आदिनाथ अश्रुबा खामकर आणि सतिष आश्रुबा खामकर या दोन शेतकर्‍यांच्या 5 एकर शेतातील ऊस जळून खाक झाल्याने लाखो रुपयाचे नुकसान झाले आहे. महावितरणच्या अधकार्‍यांना आणि कर्मचार्‍यांना तारा लोंबत असल्याचे वारंवार सांगुनही त्यांनी त्या न बदलल्याने शेतकर्‍याचे नुकसान झाल्याचे सांगण्यात आले आहे.याप्रकरणी संबंधीत शेतकर्‍यांनी तहसीलदार आणि महावितरणकडे तक्रारही केली आहे. परंतू रात्री उशीरापर्यंत महावितरणचा कर्मचारी घटनास्थळी फिरकला नव्हता. दरम्यान घटनेची माहिती मिळाल्यानंतर पिंपळनेर पोलीस ठाण्यातील पोलीस कर्मचार्‍यांनी येवून घटनेची माहिती घेतली.