जिल्हाधिकारी राधा बिनोद शर्मा यांच्याकडून ईद-उल-फित्र निमित्त नागरिकांना शुभेच्छा

बीड स्पीड न्यूज 

जिल्हाधिकारी राधा बिनोद शर्मा यांच्याकडून ईद-उल-फित्र निमित्त नागरिकांना शुभेच्छा

रमजान ईदचा सण शांततेत साजरा करण्याचे जिल्हाधिकारी व पोलिस अधीक्षक यांचे आवाहन

जिल्ह्यात कायदा-सुव्यवस्था अबाधित राखण्यासाठी पोलिसांचे परिस्थितीवर बारकाईने लक्ष

बीड, दि. २:-  जिल्हाधिकारी राधाबिनोद शर्मा यांनी मुस्लिम बांधवांच्या पवित्र अशा रमजान ईद अर्थात ईद-उल-फित्र निमित्त नागरिकांना शुभेच्छा दिल्या आहेत. त्यांनी नागरिकांनी हा सण आनंदाने व शांततेच्या वातावरणात साजरा करावा असे आवाहन केले आहे .समाजात शांतता बंधुभाव व बांधिलकी जपण्याचा संदेश देणारे हा उत्सव सर्वांच्या जीवनात सुख, समाधान आणि समृद्धी यावा अशा त्यांनी शुभेच्छा दिल्या आहेत.रमजान ईद चा सण आनंदात व शांततेत साजरा करावा अशा शुभेच्छा पोलीस अधीक्षक पंकज देशमुख यांनी दिल्या. सणाच्या पार्श्वभूमीवर जिल्ह्यातील नागरिकांनी कायदा व सुव्यवस्था बिघडवणारी कोणतीही घटना घडणार नाही याची  काळजी घ्यावी. देशात व राज्यात घडणार्‍या विविध बाबींचा अनुषंगाने जिल्ह्यातील सामाजिक शांतता बिघडू नये याकडे पोलीस प्रशासनाचे बारकाईने लक्ष आहे. समाज विघातक घटकांवर पोलिस लक्ष ठेवून आहेत. असे पोलिस प्रशासनाच्या वतीने कळविण्यात आले आहे.