बीड स्पीड न्यूज
स्वागत खैरे व त्याच्या साथीदारांनी संतोष जगतापवर गोळ्या घालून त्याचा खुन केला. तर खैरे हा जगतापच्या अंगरक्षकाने केलेल्या गोळीबारात ठार झाला. दोघांविरुद्धही लोणीकाळभोर पोलिस ठाण्यात गुन्हा दाखल केला आहे. त्यानंतर गुन्हे शाखेच्या पथकाने दोन आरोपींना इंदापुर येथून अटक केली. खैरे हा सराईत गुन्हेगार होता.त्याच्याविरुद्ध खुन, खुनाच्या प्रयत्नासह गंभीर गुन्हे दाखल होते. तर अटक केलेल्या मिसाळविरुद्ध बेकायदा शस्त्र बाळगणे व अन्य गंभीर गुन्हे आहेत. आदलिंगे हा देखील सराईत गुन्हेगार असून त्याच्याविरुद्धही गंभीर गुन्हे दाखल आहेत. आरोपींची चौकशी सुरू असून त्यांच्याकडून बरीच माहिती मिळेल, असे गुप्ता यांनी स्पष्ट केले.संतोष जगताप याची स्वतःची टोळी होती. 2011 मध्ये वाळु उपशाच्या कारणावरुन दौंड येथील सख्ख्या चुलत भावांचा खुन झाला होता. त्यामधील आरोपींमध्ये जगताप याच्यासह 35 जणांचा समावेश होता. तसेच 2016 मधील खुनाच्या घटनेतही त्याचा सहभाग होता. त्यामुळे त्याच्या खुनाच्या घटनेला वेगवेगळी कारणे असल्याचे पोकळे यांनी सांगितले.'गोळीबार करून केलेल्या खुनाच्या घटनेतील आरोपींचा तत्काळ शोध घेऊन त्यांना अटक केली. या घटनेमागे वेगवेगळी कारणे असली तरीही त्यामागे आर्थिक कारण असू शकते. या गुन्ह्यात अन्य व्यक्तींचाही सहभाग असू शकतो, तसेच हा गुन्हा कोणी करण्यास सांगितले आहे का ? याचाही पोलिस तपास करीत आहे. अमिताभ गुप्ता, पोलिस आयुक्त
0 टिप्पण्या