गाडीची काच फोडून सात लाख रुपयांची बॅग आज्ञात चोरट्यांनी पळवली

बीड स्पीड न्यूज 

गेवराई_शहरातील सेवालाल नगर भागात एका स्विफ्ट गाडीत ठेवलेली सात लाख रुपयांची बॅग आज्ञात चोरट्यांनी गाडीची काच फोडून पळवली. हि घटना आज दुपारी एक वाजण्याच्या दरम्यान घडली आहे. दिवसाढवळ्या घडलेल्या घटनेने गेवराई शहरात एकच खळबळ उडाली आहे.गेवराई शहरातील सेवालाल नगर भागात रहिवासी असलेल्या एका व्यक्तीने आपल्या स्विफ्ट डिझायर MH 23 BC 9977 या कारमध्ये  एका बॅग मध्ये सात लाख रुपये ठेवली होती. दरम्यान सदरील बॅग अज्ञात चोरट्याने गाडीची काच फोडून पळवली. हा प्रकार दिवसा ढवळ्या घडल्याने सर्वत्र खळबळ उडाली आहे. या घटनेची माहिती मिळताच घटनास्थळावर गेवराई पोलिसांनी धाव घेतली. याठिकाणी पोलिसांनी पाहणी करून श्वानपथकास पाचारण केले आहे. या प्रकरणी गुन्हा दाखल करण्याची प्रक्रीया गेवराई पोलिस ठाण्यात सुरू होती.