बाईक आडवी लावून तिघांनी मारहाण करीत ट्रक चालकाचे अडीच लाख लुटले

बीड स्पीड न्यूज 

बाईक आडवी लावून तिघांनी मारहाण करीत ट्रक चालकाचे अडीच लाख लुटले

माजलगाव_ रस्त्यात बाईक आडवी लावून ट्रक चालकाला कोयता अन चाकुचा धाक दाखवत मारहाण करून दोन लाख पन्नास हजार रूपये आणि मोबाईल असा दोन लाख साठ हजार रुपये चा मुद्देमाल लुटल्याची घटना मंगळवारी पहाटे केसापूरी येथे घडली. याप्रकरणी माजलगाव ग्रामीण पोलिसात गुन्हा दाखल झाला आहे.आज पहाटे चालक शेख अख्तर शेख पाशा (वय 32, वर्षे ) हे माजलगाव ते परतुर या मार्गावर ट्रक (एम.एच.43 वाय 2584) घेवून जात होते. दरम्यान, केसापुरी गावाजवळ एका विना क्रमांकाच्या बाईक रस्त्यात आडवी लावून तिघांनी ट्रक थांबवली. काही कळण्याच्या आत तिघांनी रॉड, चाकू, कोयत्याचा धाक दाखवत चालक शेख अख्तर आणि त्यांच्या साथीदाराला मारहाण करण्यास सुरूवात केली. त्यानंतर नगदी दोन लाख पन्नास हजार आणि दोन मोबाईल असा एकूण दोन  लाख साठ हजाराचा मुद्देमाल लुटून तिघांनी बाईकवरून पोबारा केला.जखमी चालक शेख अख्तर यांनी या घटनेची माहिती माजलगाव ग्रामीण पोलिसांना दिल्यानंतर पोलिसांनी घटनास्थळी भेट दिली. जखमींवर उपचार सुरू असून याप्रकरणी शेख अख्तर यांच्या फिर्यादीवरून अज्ञात तिघांजणा विरोधात माजलगाव ग्रामीण पोलिस ठाण्यात दरोडयाचा गुन्हा दाखल झाला आहे. या प्रकरणाचा पुढील तपास सहाय्यक निरीक्षक विजयसिंह जोनवाल हे करत आहेत.