व्हॉट्सअप स्टेटस ठेवून गेवराईत युवकाची आत्महत्या!

बीड स्पीड न्यूज 

व्हॉट्सअप स्टेटस ठेवून गेवराईत युवकाची आत्महत्या

गेवराई_ गेवराई तालुक्यातील आगर नादुर येथील युवकाने व्हाट्सअप स्टेटस ठेवत गळफास लावुन आत्महत्या केल्याची घटना घडली आहे. येथील नितीन चिमाजी निर्मळ (वय२३वर्षे) हा दि. १८ रोजी धुलीवंदनाच्या दिवशी गावात होता. मात्र त्याच्या काही मित्राने त्याचे व्हाट्सअप स्टेटस पाहिले असता त्याने आपल्या व्हाट्सअप वर I miss you, my love, miss you friend, bay, my jigri, Sorry, शेवट, अश्या प्रकारचे स्टेटस ठेवले होते. त्यामुळे त्याच्या नातेवाईकांनी त्याचा शोध घेतला असता गावाजवळील गायरानातील एका लिंबाच्या झाडाला त्याचा मृतदेह गळफास घेतलेल्या अवस्थेत आढळून आला. गावकर्यांनी तात्काळ पोलिसांना घटनेची माहिती दिली असता पोलीस उपनिरीक्षक प्रफुल्ल साबळे व बिट अंमलदार हंबरडे यांनी तात्काळ घटनास्थळी धाव घेऊन घटनेचा पंचनामा केला. व मृतदेह शवविच्नासाठी उपजिल्हा रुग्णालयात पाठवण्यात आला. व्हाट्सअप स्टेटस ठेऊन झाडाला गळफास घेऊन आत्महत्या केलेली असावी असा प्राथमिक अंदाज वर्तवण्यात येत आहे. मात्र त्याने आत्महत्या का केली याचा तपास पोलीस करत आहे.त्याच्या पश्चात आई वडील, एक भाऊ, दोन बहिणी असा परिवार आहे. या घटनेने गावात शोककळा पसरली आहे.