भरधाव ट्रकने दुचाकीला धडक दिल्याने शेतकऱ्याचा मृत्यू

बीड स्पीड न्यूज 

भरधाव ट्रकने दुचाकीला धडक दिल्याने शेतकऱ्याचा मृत्यू

अंबाजोगाई | प्रतिनिधी-: भरधाव वेगातील ट्रकने दुचाकीला दिलेल्या धडकेत एका शेतकऱ्याचा मृत्यू झाला. अपघात अंबाजोगाई तालुक्यातील पूस येथे महामार्गावर शनिवारी (दि. 8 ) रोजी सायंकाळी घडला. मधुकर ज्ञानोबा हाके (वय 55, रा. पूस, ता.अंबाजोगाई) असे मयत शेतकऱ्याचे नाव आहे.  शनिवारी सायंकाळी 5 वाजण्याच्या सुमारास मधुकर हाके हे जवळगावकडे असलेल्या शेतातून घरी जाण्यासाठी दुचाकीवरून निघाले होते. ते अंबाजोगाई अहमदपूर महामार्ग वर छत्रपती शिवाजी महाराज चौकात आले असताना अहमदपूरकडे जाणाऱ्या भरधाव मालवाहू ट्रकने त्यांच्या दुचाकीला जोरदार धडक दिली. या अपघातात मधुकर हाके गंभीर जखमी झाले. त्यांना तातडीने उपचारासाठी स्वाराती  रुग्णालयात दाखल केले. असता तेथे डॉक्टरांनी तपासून त्यांना मयत घोषित केले. मधुकर हाके यांच्या अपघाती मृत्यू बद्दल ग्रामस्थांनी शोक व्यक्त केला. मधुकर हाके यांच्या  पश्चात पत्नी, मुलगा, मुलगी,, सुना, नातवंडे असा परिवार आहे. दरम्यान घटनास्थळी ग्रामस्थांनी ट्रक चालकास चोप देऊन ट्रक व चालकास बर्दापूर पोलिसांच्या सावधानी केले.