प्रतिनिधी ऋतुजा सोनवणे
🔶🔷🔶🔷🔶🔷🔶🔷
वसंतराव नाईक यांनी महाराष्ट्र राज्याला प्रगती पथावर नेण्यासाठी अनेक महत्वकांक्षी योजना राबविल्या.शेतकरी,शेतमजूर,शोषित, वंचित,निराधारांना विकासाच्या प्रवाहात आणण्यासाठी शेकडो धाडसी निर्णय घेतले.सलग तीन वेळा विनाखंड मुख्यमंत्री पदाची शपथ घेऊन एक नवीन रेकॉर्ड कायम केला.मराठी भाषेला राजभाषेचा दर्जा देऊन सन्मानित केले.माझा शेतकरी कारखानदार झाला पाहिजे,अशी भूमिका घेत विदेशातून हायब्रीड बियाणे आणून शेतकऱ्यांचा जीवनात अर्थिक क्रांती घडवून आणली.शेतकरी सुखी झाला.राज्याला सुजलाम सुफलाम करण्यासाठी नाईक साहेब अजिवन झटले.महाराष्ट्राच्या सर्वांगीण विकासाचा पाया नाईक साहेबांनीच रचला.अशा महान कृषीवेढया व विशाल राजकीय उंची असलेल्या नेत्यांचे नाव बीड जिल्ह्यातील माजलगाव धरणाला देऊन महाराष्ट्र शासनाने त्यांचा यथोचित सन्मान करावा,अशी मागणी राज्यातील बंजारा,भटके विमुक्त,बहुजन समाजाच्या वतीने राष्ट्रीय बंजारा परिषदेने केली आहे.
आभाळा एवढे कर्तृत्व असलेल्या महानायक वसंतराव नाईक यांच्या नावाला जाणूनबुजून कोणी विरोध करणार असेल,त्यांना जातीपातीच्या भिंतीत कैद करण्याचा प्रयत्न केले गेले,तर महाराष्ट्रातील बंजारा समाज रस्त्यावर उतरून टोकाचा संघर्ष करेल,असा गर्भित इशारा राज्य सरकारला निवेदनाच्या शेवटी देण्यात आला आहे.निवेदनावर प्रा.पी.टी.चव्हाण, राष्ट्रीय बंजारा परिषदेचे बीड जिल्हा उपाध्यक्ष बाजीराव राठोड,कोरोणा योद्धा सुरेश पवार, जिल्हा संघटक अमर राठोड,श्रीराम पवार यांच्या स्वाक्षरी आहेत.यावेळी राष्ट्रीय बंजारा परिषदेचे अनेक कार्यकर्ते उपस्थित होते.
0 टिप्पण्या