बीड स्पीड न्यूज
प्रतिनिधी नवनाथ गोरे
ढेकणमोहा येथे शार्ट सर्कीट मुळे आग लागल्याने शेतकऱ्यांचा लाखो रुपयांचे नुकसान
वाकनाथपुर प्रतिनिधी_बीड तालुक्यातील ढेकणमोहा येथील शिवारात शार्ट सर्कीट मुळे आग लागल्याने शेतकर्यांचा सहा ते सात एकर ऊस जळुन लाखो रुपयांचे नुकसान झाले आहे. सदरील घटना आज दि. 20 रोजी ढेकणमोहा येथे दुपारी चार वाजता घडली असून विजेच्या शार्ट सर्कीट मुळे आग लागल्याची माहिती शेतकऱ्यांनी दिली. सदरील आग लागल्यानंतर परिसरातील नागरिकांनी विझवण्यासाठी आटोकाट प्रयत्न केला. सदरील ऊस शहादेव भानुदास थापडे, गोविंद शाहदेव थापडे, बिभीषण शहादेव थापडे, हनुमंत शहादेव थापडे, गणेश एकनाथ थापडे, यांचा असून लाखों रुपयांचे नुकसान झाले आहे. सदरील नुकसान झालेल्या ऊसाचा तात्काळ पंचनामा करून नुकसान भरपाई द्यावी अशी मागणी येथील शेतकऱ्यांनी केली आहे.
0 टिप्पण्या